Елімізде төртінші мұнай өңдеу зауытының құрылысы бойынша жаңа жұмыс тобы құрылуда
Бұл туралы бүгін өткен Үкімет отырысында ҚР Энергетика министрі Қанат Бозымбаев айтты.
Оның мәлімдеуінше ,Үкіметтің 9- ақпанда өткізілген кеңейтілген отырысындағы тапсырмаларға сәйкес, төртінші МӨЗ құрылыс бойынша халықаралық сарапшылар мен мемлекеттік органдардың өкілдерінің қатысуымен бұрын құрылған жұмыс тобы МӨЗ-дердің жаңғыруынан кейінгі автобензин, дизельдік отын және әуе керосин өндірісі бойынша тұтыну болжамының толық талдауын жасаған.
Болжамды тұтынушылықты есептегенде бензин тапшылығы 2021-2013 жылдарда, дизельдік отын 2023 жылға қарай, әуе керосинінің тапшылығы 2026 жылға қарай пайда болуы мүмкін, деген министр қажеттілікке орай төртінші мұнай-өңдеу зауыты бойынша жаңа жұмыс тобы құрылатынын жеткізді.
- МӨЗ-дің құрылысы мен қаржыландыру нұсқалары, мерзімдері, әлеуетті инвесторлармен келіссөз жүргізу үшін жаңа жұмыс тобы құрылуда. Жұмыс тобының тиісті жол картасын дайындап, 15 ақпанда ведомствоаралық комиссияның отырысында бекітуге ұсынатын боламыз, - деді министр.
