Наверх

Погода в Астане: 25 января, ночь: -10° 5 м/с25 января, утро: -15° 5 м/с25 января, день: -11° 6 м/с25 января, вечер: -14° 6 м/с

Қарағандыда Наурыз қалай тойланбақ?

2851
Фото: Әкімдіктің сайтынан.

Наурыз мейрамына арналған мерекелік шаралар Қарағанды облысында наурыздың 21-нен 25-не дейінгі күндері жалғасады. Биылғы жылы далада орнатылған киіз үйлерде келушілерге арналып тақырыптық экспозициялар дайындалып, дәстүрлі әдет-ғұрыптарды көрсететін театрландырылған көріністер ұйымдастырылады, деп хабарлайды Объектив.kz  облыс әкімінің ресми сайтына сілтеме жасап.

Қаланың басты тойлау шаралары 22-ші наурызда Орталық саябақта өтеді, мұнда жеті тақырыптық алаңдар құрылады. Басты сахнада концерттік бағдарламамен солистер, кәсіби және көркемөнер музыкалық және би ұжымдары өнер көрсетеді.

Саябақтағы алаңдардың бірінде бауырсақ пісіру, палу мен наурыз көже әзірлеу бойынша шеберлік сыныптары ұйымдастырылады. Ал келесі бір алаңда ұлттық костюмдер көрсетілімі өтеді. Бұл күні сонымен қатар саябақта тұсау кесу дәстүрі өткізіледі, оны лед-дисплейлерде көрсетеді.

Сондай-ақ ұлттық бұйымдар мен әр жылдары Наурыз мейрамында түсірілген фото-суреттердің көрмесі болады. Саябақта кәдесыйлар, тәтті-дәмділер мен сусындар сататын шатырлар тігіледі. Ал жастар үшін алтыбақан орнатылады.

- Наурыздың 25-не дейін киіз үйлер тұрады.

Кітапханаларда, сауда-ойын-сауық орталықтарында, қалалық алаңдарда мерекелік шаралар өтеді, - деді Қарағанды қаласының әкімі Нұрлан Әубәкіров.
Қарағандыда бес алаңда барлығы 30 киіз үй тігілетін болады. Олардың 14-і Орталық саябақтың жағажайы бойында онатылады.

Оценить материал
0